CEBU CITY-Gihagit karon ni Cebu Provincial Governor Gwendolyn Garcia ang katawhan nga mohatag og tukmang impormasyon ug dili magpataka og post sa social media kung adunay ipadangat nga reklamo sa hingtungdang buhatan sa kapitolyo.
Kini ang nahimong pamahayag sa gobernadora diin gitumong kini ngadto sa mga nanaway karon sa kahimtang sa mga tambalanan nga gipangdumala sa probinsya ug sa mga tawong gustong nga dunay gustong itaho apan walay specific nga impormasyon nga ihatag.
Matud ni Garcia dili na niya maato kung siya pa ang mo-imbestigar sa mga reklamo maong gi-awhag niya ang mga reklamante nga sayron una ang kompletong impormasyon sama lang sa pangalan sa ireklamong medical staff ug designation.
Kini aron, matud pa, mahimo dayon ang saktong lakang sa ilang buhatan.
Samtang gikompirmar usab ni Garcia ang kahimtang sa mga tambalanan atol sa una niyang tulo ka termino, nga bisan tuod og gamay ang ilang budget kaniadto, wala sila namatyan ug pasyente human nga giingong nag-shopping ang doktor nga naki-hitch sa ambulansya.
