CALIFORNIA-Speechless ang mga netizens karon human nga nahimong hisgutanan sa internet ang pagkatap sa usa ka hulagway sa usa ka babae nga matud pa nagpractice og ‘perineum sunning’? Kun sa ato pa, gibuwad sa init ang iyang bugan.
Ang maong babae ang naila nga si Meagan. Gi-post niini sa iyang IG ang iyang hulagway diin naghigda kini gawas sa ilang balay nga nagbuwad sa init–walay sinina ug nagbilangkat aron matud pa mainitan ang iyang bilahan.
Matud ni Meagan nga kada-adlaw kini niya nga routine nga i-expose ang iyang kinatawo sulod sa 5 ka minutos sa init sa adlaw butang nga naghatag matud pa niya og kusog. Gani, sukad nga iya kining gibuhat matag buntag, dili na siya mu-inom pa og kape.Mi-nindot usab matud pa ang iyang pagkatulog.
Tungod niini nahimong viral ang maong photo diin duna na kini 90,000 likes ug 2,000 comments.
Nakakuha usab kini og nagkadaiyang reaksyob human usab nga mi-claim si Meagan nga angayan kini buhaton sulod sa 30 segundos sa alas 7 ngadto sa alas 9 sa buntag alang sa mas maayong resulta.
Apan sigon sa doktor nga wala pay ebidensya nga ang naasoy nga sunbathing ang dunay epekto sa physical well-being. Apan gitino niini nga importante usab ang meditation ug Vitamin D ig dili angayang ibuwad ang panit sa init.
Sugyot sa doktor nga dili sundon ang gibuhat ni Meagan.
