CHICAGO – Gidayeg sa usa ka babaye ang usa ka lipstick brand human nga nagpabilin nga ‘perfect’ ang iyahang ‘bright red lips’ human sa car crash niini.
Gipaambit ni Taryn Elise, sa Chicago, ang nahitabung ‘head on collision’ kung diin makita nga hilabihan ka guba ang atubangan sa iyahang sakyanan.
Matud pa nga kung unsa ka guba ang iyahang sakyanan, mao usab ka ‘perfect’ pa ang iyahang lipstick.
Gibutyag ni Elise nga igu lang milakra sa airbag ang iyahang lips apan giingung wala gayud kini mapapas.
Naka-ani kini ug mga reaksyon sa social media ang maong gihimu sa babaye gumikan kay bisan pa man sa aksidente, nakuha pa niini ang pag-selfie sa pagdayeg sa iyahang lipstick.
Apan giklaru ni Elise nga ‘okay’ lang ang iyahang kondisyon ug wala kini bisan usa ka injury human nga dali niini nga napagawas ang airbag sa sakyanan.
