Babaye nga nigradwar og Cum Laude, gihatagan og kanding sa iyang uyab

Dili kuwarta, butang o bulak- kondili usa ka buhing kanding, ang regalo sa usa ka lalaki sa iyang pangasaw-onon nga nigradwar sa kolehiyo sa Midsayap, Cotabato.

Giingong migradwar si Camille Viloan nga Cum Laude sa kursong ‘Secondary education’ major in social studies.

Sa mismong adlaw sa gradwasyon, gihatagan siya sa iyang uyab og regalo nga kanding diin nakita sa iyang mga higala nga malipayon kaayo sila sa ilang nasaksihan.

Nalipay usab si Viloan sa effort nga gihimo sa iyang uyab kay dili siya hilig og surpresa ug regalo.

Sa pagkakarunn, nangandam na si Viloan alang sa iyang board examination.