Gireklamo sa usa ka babaye sa India ang iyang bana sa duha ka tuiga sa daw giilad kini sa hulagway sa iyang minahal.
Giila ang babaye nga si Lavika Gupta nga residente sa Gaur City Avenue-1 sa central Noida sa nasud nga India diin siya miduso og reklamo sa kapulisan batok sa iyang bana ug upat ka mga umagad kay gilimbog siyang pakaslan kini niadtong 2024.
Ang iyang akusasyon kay mao ang pasalig nga hitsuraan ug adunay buhok iyang nabana apan sinaw kaayu ang kaopaw niini human gihulbot ang ginasul-ob nga wig.
Sumala sa First Information Report (FIR) nga na-file sa Bisrakh police station ang babaye kay naminyo kang Sanyam Jain niadtong Enero 16, 2024. Ang asawa niini nga giilad siya niadtong panahona sa pamilya sa iyang bana human gitago ang kamatuoran sa iyang hulagway, nakab-ot nga lebel sa edukasyon, ug kahimtang sa panalapi.
Matod niini ang iyang bana gradwado lang sa Grade 12 apan ang nakasuwat sa biodate kay nakahuman daw sa Bachelor of Commerce nga kurso ug ingon man sa pagpangilad sab sa sweldo niini kay anaa lang sa 1.8-milyon Rupees ($20,000) nga gamay lang para kaniya.
Saysay niini nga mitugot lang siya nga magminyo kay tungod lagi sa maong pasaad.
Gipasanginlan sab sa babaye nga daw gipugos siya sa iyang mister nga magpalusot og marijuana gikan sa Thailand padulong sa India sumala pa sa kapulisan sa maong lugar.
