CRESTVIEW, Fla. (AP) —Nakugang ang usa ka babae human nga kini mipalit og regalo isip baby shower gift sa usa ka tindahan sa Florida human nga pag-abli sa father-to-be nakita nga ang sulod kay usa ka semi-automatic rifle nga dunay bala.
Naila ang nagpalit sa maong regalo nga si Alvarez-Rodriguez kung diin gisaysay niini nga siya ug ang iyang bana ang mipalit sa maong regalo human nga sila giimbitar sa usa ka baby shower sa ilang higala.
Nakita nila sa maong tindahan ang Baby Bouncer nga nagkantidad og $9.99. Sealed na kini sa sudlanan og wala na usab nila gihiling pa inay gipadiritso na kini nila og pa-gift wrap.
Atol sa baby shower, gidayeg sa father-to-be ang maong regalo gumikan kay haom kini kaayo para sa iyang anak. Apan sa dihang gi-ablihan na kini, nakita niini ang armas nga duna pay bala.
Nakugang usab ang magti-ayon samtang ang uban nangatawa. Apan mitawag sila og pulis para sa pagsuta sa background sa duha ka magti-ayon nga mipalit sa regalo.Nasuta usab nga ang maong armas usa ka Mossberg 715T semi-automatic rifle.
Padayon nga gi-imbestiagran sa kapulisan ang panghitabo ug ngano nga nasulod kini ngadto sa karton sa baby bouncer regalo nga sirado man kini sa dihang gipalit.
Wala usab matud pa mihatag sa iyang habig ang empleyado sa tindahan kung diin napalit ang maong regalo.
