Bag-ong gikasal, nagbuwag mismo sa ilang adlaw nga kasal

NEGROS ORIENTAL-Mikatap karon sa social media ang bag-ong magtiayon nga giingong nagbuwag dayon adlaw mismo sa ilang kasal.

Nasayran nga ang babaye taga Bais City Negros Oriental kinsang nagpakasal sa taga lungsod sa Pamplona apan, gikatahong wala pa nahuman ang reception kalit nga milakaw ang lalaki nga walay pananghid.

Matud pa sa groom nga ang babaye wala mikuyog sa lugar sa lalaki sa hinungdan nga dili kini gustong biyaan ang iyang inahan.

Gani, gidepensahan sa pamilya sa lalaki ang maong panghitabo nga gihuwat pa sa ginikanan ang babaye apan, wala kini gitugotan nga mouban sa Pamplona, Negros Oriental.