Pormal nga gisumite sa Independent Commission for Infrastructure ang bag-ong ‘referral’ niini ngadto sa Office of the Ombudsman kabahin sa imbestigasyon sa mga anomalosong proyekto sa pagkontrol sa baha.
Bisan tuod wala personal nga gipresentar o gidala sa chairman sa komisyon ang bag-ong referral, gisumite kini sa mga abogado sa Independent Commission for Infrastructure, ug pasado alas 3:00 kini nadawat.
Sa gisumite nga ‘referral’, girekomenda sa komisyon nga pasakaan og kaso sila si Maynard Ngu, Ruel Umali, Carlo Aguilar, Gene Ryan Altea, mga opisyal ug bisan ang kanhi senador nga si Bong Revilla Jr.
Sumala sa Chairman sa Independent Commission for Infrastructure, si Justice Andres Reyes, ang posibleng mga kaso mao ang direkta o dili direkta nga bribery, korapsyon sa mga opisyal sa publiko, pagpangawat, ug mga administratibong silot batok sa mga nalambigit sa iskandalo sa pagkontrol sa baha.
Nagsumite usab sila og bag-ong ebidensya nga may kalabotan sa nangaging mga referral nga mahimong mosangpot sa dugang nga mga kaso batok sa kanhi Department of Public Works and Highways Sec. Manuel Bonoan, kanhi Usec. Catalina Cabral, kanhi Usec. Roberto Bernardo, kanhi Congressman Zaldy Co ug uban pa.//
Samtang ang referral nga gisumite sa komisyon naglakip usab sa imbestigasyon sa Ombudsman alang sa pag-andam og kaso batok sa pipila ka mga opisyal nga nag-atubang og seryosong mga alegasyon o giingong nalambigit sa mga isyu sa korapsyon.
Kini naglakip sa kanhi Senate President Chiz Escudero, Sen. Nancy Binay, Sen. Grace Poe-Llamanzares, ug Sen. Mark Villar.
Sukad didto, base sa proseso sa Ombudsman, kini moagi sa ebalwasyon, pagpangita og kamatuoran, ug pasiunang imbestigasyon aron mahibal-an kung kini magpabilin ba nga usa ka kaso sa dili pa ipasaka sa angay nga korte.
