Gipaubos sa dinaliang pagbakwit ang kapin sa 1.7 milyon ka mga residente human mokusokuso ang Bagyong Bavi sa probinsya sa Zhejiang, China.
Sa wala pa ang pag-landfall sa maong bagyo, gipataas na sa kagamhanan sa China ang alerto niini sa sidlakang bahin sa nasod tungod sa dala niining kusog nga hangin nga moabot ngadto sa 144 kilometros matag oras (kph).
Una nang mipatuman ang maong nasod og orange typhoon alert, ang ikaduha sa labing taas nga matang sa upat ka lebel sa ilang warning system.
Gumikan sa maong kalamidad, gatusan ka mga biyahe sa eroplano ang gikansela, samtang gipakunhod usab ang operasyon sa mga tren.
Gawas niini, gisuspinde ang mga klase sa tunghaan ug ang biyahe sa mga ferry.
Sa wala pa kini mipaingon sa China, nagdala usab ang bagyo og kusog nga hangin ug bunok sa ulan sa habagatang mga isla sa Japan ug sa Taiwan.
