Nakapahinabo sa grabeng pagbaha sa daghang mga komunidad sa Taiwan ang Bagyong Fun-wong, nga kaniadto miigo sa Pilipinas isip Super Typhoon Uwan.
Sa wala pa mo-landfall ang bagyo sa Taiwan, ang gobyerno naka-evacuate na og liboan ka mga tawo, samtang ang mga eskwelahan ug mga establisemento sa negosyo gisirado.
Dili moubos sa 51 ka mga tawo ang gitaho nga nakaangkon og lain-laing mga kadaot tungod sa epekto sa bagyo.
Sa Yilan County, ang pipila ka mga lugar nakasinati og hangtod sa 650mm nga ulan, nga hinungdan sa lapas tawo nga pagbaha. Kini katumbas sa usa ka bulan nga ulan, nga nakalubog sa kapin sa 1,000 ka mga balay.
Kapin sa 8,300 ka mga tawo ang kasamtangang nagpabilin sa mga evacuation center human ang ilang mga balay gibahaan. Kini gikan sa Yilan ug Hualien Counties, ang duha ka mga county nga labing naapektuhan sa bagyo.
Ang Bagyong Uwan mihinay ngadto sa usa ka tropical storm sa wala pa mo-landfall sa dagkong mga bahin sa Taiwan. Kini nahitabo pipila lang ka adlaw human kini miigo sa Pilipinas isip usa ka super typhoon.
Ang bagyo karon mihinay ngadto sa usa ka tropical depression samtang nagdala og ulan sa pipila ka mga bahin sa Taiwan.
