CEBU – Nikalas og labing menos 21 ka kinabuhi ang kusog nga pagbaha sa southern Fars province sa Iran.
Gibutyag ni Governor Yousef Kargar nga ang siyudad sa Estabhan maoy pinakagrabeng naigo sa kusog nga ulan nga nagpa-awas sa suba sa Roudbal.
Gikatahong misamot ang baha sa Iran tungod sa kahulaw (drought) gumikan ang tubig sa uwan dili makalusot sa yuta nga daw nasunog sa adlaw.
Gidugang ni Kargar nga daghang mga tawo nga mibisita sa daplin sa suba ang naabtan pagtaas sa lebel sa tubig.
Diin labing menos 55 ka indibidwal ang naluwas.
Nasayran nga ang nasod nga Iran usa sa kadaghanang uga nga nasud ug nag-antus sa daghang mga hulaw sa miaging dekada, nga naghimo sa yuta nga mas gahi ug mas lig-on.
Apan, ang mga insidente sa pagbaha gitumbok nga dala sa climate change.
