Nanawagan si Balamban Mayor Amos Cabahug, ni Presidente Ferdinand Bong-Bong Marcos Jr. nga unta matabangan sila nga mapatukod pagbalik ang sagad sa mga kadalanan og tulay nga kaagian sa mga residente sa Balamban nga manukad pa sa mga kabukiran aron lang ihatod ang ilang mga produkto ngadto sa mercado.
Matud ni Cabahug, nga kasamtangan karon nga padayon pa ang gipahigayong clearing operations sa pipila ka bahin sa kabukiran sa Transcentral Highway nga naapektuhan sa miaging mga bagyo.
Hilabi na nga naguba gayud ang 4 ka mga tay-tayan nga latasan sa mga residente gikan sa bukid padulong sa mercado gumkan sa nakalabayng mga kalamidad.
Tungod niini, nakasinati og kalisod sa paghatod ang mga mag-uuma sa ilang mga produkto nga igbabaligya unta sa mercado.
Mapasalamaton usab si Balamban, Cebu Mayor Amos Cabahug sa pagbisita ni Presidente Ferdinand R. Marcos, Jr. sa iyang lugar ug sa paghatag og mga medical equipment sama sa portable x-ray ug ultrasound machine kauban si PCSO General Manager Melquiades Robles alang sa Cebu provincial hospitals.
