Misang-at og balaodnon si CIBAC Partylist Representative Eddie Villanueva aron pagdili sa mga bata nga ubos sa edad nga 16 sa paggamit sa social media.
Ang House Bill 8262, o ang “Social Media Protection For Minors Act,” nagtumong sa pagpugong sa mga bata nga ubos sa edad nga 16 sa pag-access sa social media.
Kini nga lakang tubag sa nagkadaghan nga negatibo nga mga epekto sa mental health, kaluwasan, ug paglambo sa mga bata tungod sa paggamit sa social media.
Mibutyag si Villanueva nga ang pagpanalipod sa mga bata gikan sa paggamit sa social media usa ka moral ug nasudnong responsibilidad.
Dugang pa niini nga gikabahala niini ang negatibong epekto sa social media ngadto sa mga kabatan-onan diin mas dali silang ma-expose sa violence, sexualized og negative mindset.
Kahinumdoman nga nagpahigayon ang Australia sa pagdili sa mga bata nga mogamit sa social media nga gisundan sa France, Spain, Malaysia og Indonesia.
