Nasunog ang tunghaan sa Bankal Elementary School sa Barangay Bankal sa dakbayan sa Lapu-Lapu niadtong Biyernes sa gabii, Septiyembre 5, 2025.
Ang sunog kay miahtag og kadaot sa tulo ka mga lawak sa maong tunghaan ug mitumpag sa usa ka bodega.
Sumala sa mga awtoridad nga gibana-banang mukabat sa P720,000 ang kadaot nga namugna sa sunog sa maong tunghaan.
Gisuta sa mga fire investigators nga posibleng electrical short circuit ang hinungdan sa kalayo nga mikatap sa entrada sa bodega.
Gani gitug-an sa principal sa maong tunghaan nga nakabalda sa klase sa 472 ka mga estudyante ang maong insidente sa sunog lakip ang mga kindergarten ug elementary students.
Ingon man kay lain pito ka mga lawak ang gideklarar nga dili na luwas gamiton tungod gihapon sa mga kasikbit nga mga kadaut nga nahiaguman niini ilabi na sa mga electrical wirings.
Gipasalig sa tagdumala sa tunghaan nga mu-asumir gihapon inig Lunes ang klase apan mag-adjust kini sila sa schedule ug lokasyon sa pagklase sa mga estudyante.
