CEBU CITY-Gilamoy sa sunog ang usa ka banko sa downtown area sa dakbayan sa Sugbo kagahapong adlawa sa Dominggo, Marso 23, 2025.
Kun diin ang Development Bank of the Philippines (DBP) Building sa Osmeña Boulevard eskina P. del Rosario (kilid sa SSS building) ang gilamoy sa sunog diin ang baga nga aso lang nakita niini sa gawas nga bahin sa maong panghitabo sa insidente.
Milanat og usa ka oras ang maong sunog diin unang nataho kini sa mga sakop sa kabumberohan pag alas 5:23 sa hapon dayon giisa sa unang alarma pag alas 5:27 sa hapon.
Tungod sa kadako sa sunog sa sulod nga bahin sa building kay gisaka pa kini sa ikaduhang alarma pag alas 5:37 sa hapon.
Dili muminos sa 10 ka mga fire trucks ang miresponde sa maong alarma lakip na nag Cebu City Fire Office, Cebu City Barangay Fire Brigades, ug mga Volunteer Fire and Rescue teams.
Sa maong pakigkumbati, nakontrolar ang maong sunog pag alas 6:22 sa gabii ug pormal nga nadeklarang fireout pag alas 6:25 sa gabii.
