CEBU CITY- Nakatala ang Barangay Guadalupe sa pinakadaghang kaso sa napaakan og iro sa Dakbayan sa Sugbo sa unang bahin sa 2023.
Sa unang bahin sa 2023, ang Guadalupe nakarehistro na og 343 nga gibutyag sa usa sa mga special assistant ni Mayor Michael Rama nga si Dr. Alice Utlang.
Sunod sa Guadalupe lakip usab ang 19 ka barangay sa Dakbayan sa Sugbo nga adunay pinakadaghang kaso sa pagpaak sa iro naglakip sa Tisa (257), Lahug (215), Inayawan (219), Labangon (200), Talamban (182), Basak San Nicolas (181), Mambaling (173), Quiot (191), Mabolo (167), Kalunasan (147), Pardo (141), Carreta (132), Basak Pardo (132), Apas (129), Duljo (117), Punta Princesa (112), Cogon Pardo (102), Tejero (97) ug Bulacao (90).
Matud pa nga kinahanglan hugasan ug sabon ug flowing water for 5 to 10 minutes, dayun butangan ug betadine or alcohol ang samad pinaakan ug importante usab nga mahibal-an kung ang iro nabakunahan.
Kung nabakunahan iro ug ang pinaakan sa layo sa ulo, ang iro kinahanglan nga bantayan sulod sa lima ngadto sa 14 ka adlaw ug kung ang iro wala mabakunahan, o usa ka saag nga iro, ang biktima kinahanglan nga diretso nga moadto sa sentro o hospital sa pagtambal sa pinaakan.
Kahinumduman nga si Mayor Rama niingon nga kinahanglang mogahin ug dugang pundo alang sa pagpabakuna sa mga iro ug sa napaakan sa iro pinaagi sa disaster fund sa dakbayan.
