CEBU CITY-Nihangyo si Dave Tumulak ang Barangay Kapitan sa basak pardo ngadto kang Mayor Mike Rama nga lugwayan ang pag hatag og hinabang sama sa pagkaon alang sa mga biktima sa nasunogan.
Gibutyag ni Tumulak nga kagahapon adlawa, Enero 9, 2024 mao ang katupusan nga adlaw sa pagpanghatag og pagkaon sa mga biktima diin nangita og paagi ang kapitan alang sa pagpadayon nga pag hatag og suporta sa mga biktima.
Kahinumduman nga miabot sa P5.2 milyones ang danyos sa maong sunog, nga naghatag og kadaot sa lima ug niabo sa 90 ka mga panimalay sa 144 ka mga pamilya, nga kasamtangang nanimuyo sa tunghaan sa barangay.
Dugang niini, wala pasad nahatag ang financial assistance gikan sa Cebu City Government tungod kay aduna pay ipahigayon nga meeting sa mga opisyales sa Basak Community Highschool.
Gawas sa cash assistance nga gipaabot sa Kapitan sa Cebu City Government kinahanglan usab ang mga ‘personal hygiene kits’ ug uban pang mga hinabang nga magamit alang sa mga na biktima sa nasunugan.
