CEBU CITY- Gipaubos sa State of Emergency ang Barangay Pulangbato ning dakbayan sa Sugbo human kini sa mga kabalaka mahitungod sa wala mahuman nga proyekto sa taytayan ug mga delikadog mga dalan nga agian sa mga residente.
Samtang, mipadayag ang Cebu City Council og mga pagduha-duha mahitungod sa potensyal nga emergency procurement nga mahimong mosunod sa deklarasyon, sa pagkutlo sa nangaging mga higayon diin ang maong mga aksyon misangpot sa mga silot batok sa mga opisyal sa publiko, lakip na ang pagpalagpot ni kanhi mayor Michael Rama.
Gisugyot usab sa resolusyon ang pagtugot sa Department of Engineering and Public Works (DEPW) nga makapadayon sa emergency procurement aron mapadali ang pagtukod sa reinforced deck girder bridge nga konektar sa Sitio Candarong ngadto sa Tanay Road.
Tumong sa kagamhanan sa dakbayan nga mapadali ang rehabilitasyon sa Pulangbato Bridge panahon sa ting-init.
Kahinumdoman nga nanawagan ang mga opisyal sa Barangay Pulangbato alang sa state of emergency,samtang gi-indorso usab sa Cebu City Disaster Risk Reduction and Management Council ang rekomendasyon.
Gitataw usab ni Cebu City Mayor Raymond Alvin Garcia, nga ang barangay dugay nang mihangyo nga mahuman ang proyekto sa taytayan sukad pa niadtong 2013. | Bombo Nathaniel Sandoval
