CEBU CITY-Kinahanglan matud pa nga ipahinumdom sa mga barangay ang saktong pamaagi sa pagproseso sa mga dokumento sa mga Locally Stranded Individual (LSI).
Kini ang gibutyag ni Atty. Clarence Paul Oaminal ang pangu sa Task Force Haring Tupas sa dihang nahinabi sa Bombo Radyo Cebu atol sa tulumanong Bombo Barangayan. Si Oaminal ang usa usab sa nanghingusog sa pagtabang sa mga LSI dinhi sa Sugbo.
Gipasabot ni Oaminal nga ang tanang papel sa LSI, ang barangay na ang mulihok niini ilabina ang pagkuha og Travel Authority (TA) (Covid Shield) sa PNP aron usab nga dili magpunsisok ang mga LSI.
Apan giklaro usab ni Oaminal nga sa dili pa makuha ang covid shield travel authority,
kinahanglan usa ang medical certificate nga gikan sa Cebu City Health Office butang usab nga maoy hagit karon sa mga LSI gumikan kay natanggong man matud pa kini karong naasoy nga opisina.
Gitataw usab ni Oaminal nga nga ang mga karaan nga medcert nga narelease na niadto pang
nakalabay nga buwan ang angayan gyud nga i-update sanglit bisan paman kini og malutsan og TA posible nga dili usab dawaton sa LGU nga uli-an sa LSI.
Sa pagkutlo niining balita Agosto 09, 2020 hangyo ni Oaminal sa mga opisina ilabina sa city health nga paspasan ang pag-update sa mga medcert pinasubay na usab sa kanunay nga pagfollow up sa mga liaison officer nga gitahasan sa barangay.
‘Dili lang 18k ang LSI’
Nasuta usab nga dili lang 18 mil ka mga LSI ang anaa dinhi sa Sugbo matud pa ni Oaminal apan masdaghan pa diay kini gumikan kay karon pa milihok ang uban gumikan na usab kay ubos lamang ang kaalam niini sanglit ipaagi naman ang proseso sa ‘e-mail’.
Hinungdan nga mao usab kini ang rason nga barangay na ang milihok sa mga dokumento apan
kinahanglan lang usab nga paspasan.
