Gihimakak ni incumbent Cebu Provincial Governor Pamela “Pam” Baricuatro ang pasumbingay nga istorya ni kanhi Governor Gwendolyn Garcia nga gitagaan kini og bulletproof SUV sa iinilang kontraktor sa Sugbo nga si Alan Quirante sa QM Builders.
Kini ang nahimong pamahayag ni Gov. Baricuatro atol sa press conference niini sa Kapitolyo niadtong adlawng Miyerkules, Septiyembre 10.
Matod pa sa gobernadora nga pinahulam lamang ang SUV nga usa ka gray Toyota Land Cruiser sa family friend sa niya sa iyang bana nga usa ka abogado ug dili taga Sugbo.
Daw gipahulam lang ni sa iyaha og siya pa ang nagpadayon og gasto sa gasolina niini sukad pa niadtong panahon sa pagpangampanayan para sa piniliay Mayo 2025 nunot sa mga taho nga adunay hulga sa kinabuhi niini tungod sa mainit nga panagbangi sa politika.
Nahimo ni Baricuatro ang maong pamahayag human misaysay si Garcia niadtong Lunes, Septiyembre 8 nga daw “sarcastically” nangutana kung kinsa ang mihatag sa maong behikulo sa mga espekulasyon nga posibleng suborno kini sa kontratistang si Quirante nga natanyag karon sa anomaliya sa flood control structures ilabi na diri sa Sugbo.
