Barista, nakahimo og kapin 400 ka cappuccino sulod sa 1 ka oras

QUEENSLAND, Australia – Nakahimo ang usa ka barista og 420 ka mga cappucino sulod sa usa ka oras alang sa world record attempt niini.

Naningkamot ang barista nga si Liza Thomas sa iyang world record sa Guiness subay na sa pag-abli sa coffee shop alang sa Returnes and Services League sa Queensland.

Nabantayan sa mga kawani sa Guiness nga gisunod ni Thomas ang kalakaran sa world record attempt diin migamit kini og coffee machine.

Makahimo ang maong required nga coffee machine og 4 ka espresso shots sa usa ka lang ka higayon maong nakahimo si Thomas ug 7 ka 5-ounce cups nga kape kada minuto.

Wala nagmahay si Thomas sa dihang nakuha niya ang bag-ong world record diin natagamtaman gayud sa tanang bisita ang lamiang timpla sa cappuccino.