Giangkon ni Baron Geisler nga nakagamit kini og ilegal nga drogas sulod sa iyang station network sa wala pa siya mopasundayag sa sa ka musical-variety show, kaniadtong kasagsagan sa iyang karera isip kabahin sa “Tabing Ilog” ug sa dance trio nga “The Koolits.”
Sa usa ka interview, gipaambit sa actor ang iyang ngitngit nga kagahapon ug giunsa kini pagdala sa pagka-adik.
Matod ni Baron, nagsugod siya sa paggamit sa drogas ug pag-inom og ilimnong makahubog sa edad nga 12 ngadto sa 14, ug sa edad nga 14 nigamit na siya sa mas delikadong mga drogas sama sa meth.
Gibutyag usab niya nga kuwang siya sa emosyonal nga koneksyon sa iyang mga ginikanan, nga giubanan sa estrikto ug isog nga pagdisiplina.
Hinungdan nga nahimo siyang “addicted” ug pamati niini nga daw untouchable siya, ilabi na nga gigamit sa iyang pamilya ang ilang mga koneksyon aron maluwas siya sa kasamok.
Gipaambit usab niya ang uban pang lisud nga mga kasinatian sama sa pagkabilanggo, pagbalik sa bisyo human sa pagkamatay sa iyang inahan, ug pagpamalit og P1 milyon nga kantidad sa cocaine.
Apan, nangayo kini og tabang sa iyang mga igsuon aron makasulod sa rehabilitasyon ug giklaro usab niya nga pipila sa mga kontrobersiya nga iyang nalambigitan human sa rehab kabahin lang sa social experiment aron manipulahon ang sistema.
