CEBU CITY — Giawhag sa pari sa Basilica Minore del Santo Niño de Cebu nga likayan lang una ang paghalok og paghikap sa mga imahen ilabi na ang Sto Niño gumikan sa hulga sa pandemic coronavirus disease (COVID-19).
Giangkon ni Fr. Aladdin Luzon, OSA nga na-alarma usab sila sa maong panghitabo diin pipila na ka pasyente ang gimonitor karon sa Pilipinas gumikan sa COVId-19.
Gihangyo ni Father Luzon ang mga manimbahay nga mosunod sa mga gipakanaog nga mando sa Department of Health aron makalikay sa maong virus.
Hinuon andam matod pa ang simbahan sa pagpatuman sa mga protocols alang sa kaluwasan sa mga deboto og manimbahay.
Gani aduna na’y mga hand sanitizers nga gibutang sa simbahan alang sa mga manimba samtang gikatakda usab nga magbutang og thermal scanner ang simbahan.
Gumikan niini gihangyo sa pari ang mga manimba nga saoras nga adunay ma-provide nga thermal scanner ang simbahan kinahanglan nga mosunod sa maong etiquette. (gs)
