Nipadayag sa iyahang kahiubos ug kasagmuyo si Jason Tresmundo sa dihang ang iyang amahan nga si Roberto Tangcawan Tresmundo nga giingung mag-deliver ra og pan, apan nasita kini sa mga personahe sa LTO-7, tungod wala kini lisensya ug expired na ang rehistro.
Apan, ang nahimong “concern” sa mga kabanay, giligsan sa mga sakop sa LTO ang mga pan nga “unta” igde-deliver pa-ingun sa Brgy. Kawasan Sitio Bairan, Aloguinsan, Cebu.
Busa, eksklusibong nakuha sa Bombo Radyo Cebu ang habig ni Roberto Tangcawan Tresmundo ang mismong driver sa motor nga nasita sa LTO, diin iyahang naasoy nga niadtong alas 10:35 sa buntag Oktobre 14, padung siya mag deliver sa pan ngadto sa Sitio Bairan, sa dihang nagpahigayon ang LTO-7 og checkpoint ug gipara siya hinungdan nga nihunong kini.
Atol sa pagpara kaniya, gipangitaan kini og lisensya ug rehistro, apan wala siya nakapresenta niini kay expired naman ang rehistro niini, busa, gimandoan siya nga tangtangon ang basket nga gikarga sa iyang motor nga adunay sulod nga pan, ug gikarga sa pick-up ang iyang motor, ug dayun gi-isyuhan na sa violation nga nalapas niini.
Human niana, nisakay ang sakop sa LTO sa gidrive-ban nga pick-up, ug giligsan ang basket ni Roberto nga adunay ubay-ubay nga sulod nga pan.
Gisuwayan pa og sampit ni Roberto aron sa pagpahibalo nga naa silay naligsan, apan, niburoghoy ra kini og padagan nga ingun lang og walay naligsan.
Mao kini ang kasagmuyo nga gipdangat ni Roberto nga nganung gi-ingun ato ang iyahang gamay nga negosyo.
Sa pagkakaron, nanawagan ug nanghinaot si Roberto nga kung unsa man ang iyahang nahiaguman sa kamot sa sakop sa LTO, dili nila mabuhat ngadto sa uban ilabi na kadtong susama niya nga walay lisensya.
