CEBU CITY — Napalgang patay ang usa ka 10-anyos nga bata sulod sa sakyanan nga naka-park sa Brgy. Santa Cruz, lungsod sa Balamban, Cebu.
Giila ang biktima nga si John Michael Puntenegra, estudyante sa Grade 1, ug nagpuyo sa Brgy. Cambuhawe, sa nahisgutang lungsod.
Base sa inisyal nga imbestigasyon sa Balamban Police Station, nga nakugang tag-iya sa sakyanan nga si Fire Officer 1 Orland Paul Romero sa dihang nakit-an niya ang maong bata nag-ubo sa sulod ug walay kinabuhi sa sulod.
Hinungdan nga dali niyang gi-report ngadto sa kapulisan ang maong panghitabo.
Matud ni Police Chief Master Sergeant Benedicto Bobilles nga giingong maglaagan pirmi si Puntenegra bisan asa ug naabtan nila nga magstambayan kini sa ilang buhatan.
Sa inisyal nilang pagpakisusi, posibleng na-suffocate ang bata hinungdan nga namatay kini.
Dugang pa ni Bobilles nga andam silang makig-alayon sa inahan aron ipaubos sa autopsy ang patayng lawas sa anak niini.
Sutaon pa usab sa kapulisan sa Balamban kung aduna bay nahitabong foul play ang maong insidente. (GN)
