Magpahigayon ang economic team sa administrasyong Marcos og special meeting sa sunod semana aron hisgutan ang pagsuspenso sa excise tax sa petrolyo.
Sumala sa Department of Budget and Management (DBM), nga mao ang chairman sa inter-agency Development Budget Coordination Committee (DBCC), ang board motubag sa mga isyu nga may kalabotan sa hingpit nga implikasyon sa panalapi sa posibleng pagsuspenso sa excise tax sa lana ingon man ang economic team mosusi pag-ayo sa katugbang nga palisiya.
Gipasabot ni Budget Undersecretary Goddes Hope Libiran nga ilang ikonsiderar ang pagbalanse sa paghatag og hinanaling tabang sa mga lungsuranon samtang gipreserbar ang medium-term fiscal sustainability ug macroeconomic stability.
Mahinumduman nga niadtong Miyerkules, gipirmahan ni Presidente Ferdinand Marcos Jr. ang Republic Act 12316 ngadto sa balaod, diin ang Presidente mahimong mosuspenso o mokunhod sa excise tax sa lana basi sa rekomendasyon sa DBCC, uban sa koordinasyon sa kalihim sa Department of Energy.
