Nakuha sa San Miguel Beermen ang ilang unang daog sa PBA 50th Commissioner’s Cup.
Kini nahitabo human nila gipildi ang Converge sa iskor nga 103-99 sa dula nga gipahigayon sa Ynares Center.
Si Don Trollano nakasulod og duha ka free throws human siya na-foul ni Alec Stockton sa nahibiling 27.2 segundos nga miresulta sa pagkatabla sa 99-99 ug hatagan ang Beermen og labaw.
Wala makaigo si Stockton sa iyang three-pointer, busa nakahimo og lay-up si June Mar Fajardo.
Si Fajardo ang nangulo sa Beermen sa kadaugan nga may 27 puntos ug 17 ka rebounds samtang si Cjay Perez adunay 24 puntos, lima ka rebounds ug lima ka assists ug upat ka steals samtang si Marcio Lassiter nakapuntos og 11 puntos.
Si San Miguel coach Leo Austria miingon nga kini ang ilang kinahanglan nga masinati sa pagsugod sa dula.
Gidayeg usab niya ang iyang mga magduduwa sa ilang kakugi aron modaog.
