Gipahibalo sa drummer sa Ben&Ben nga si Jam Villanueva nga mobiya na siya sa banda.
Si Villanueva, sa usa ka video nga gi-upload sa social media account sa banda, miingon nga ang 2026 mao ang iyang katapusang tuig sa banda.
Gipaambit usab niini ang iyang hilig sa musika sa iyang pagkabatan-on hangtod sa panahon nga siya nahimong drummer sa Ben&Ben.
Niadtong 2024, nagminyo kini ug niadtong Abril ning tuig sa 2025, na-injured ang iyang pulso.
Kining duha ka panghitabo nakaugmad ug nakapalig-on sa iyang mga mithi ug sa baylo, nakabag-o sa kinabuhi nga Nakita ni Villanueva, ingon man nga dili sayon alang kaniya ang maong desisyon sa pagbuwag sa banda.
Gidapit usab ni Villanueva ang mga fans nga motambong sa ilang umaabot nga mga pasundayag ug miingon nga mas himoon pa nga mas lingaw ug memorable ang sunod tuig ug maoy katapusan niini nga kauban ang banda.
