Gipadeport sa nasud sa buhatan sa Bureau of Immigration (BI) ang unang hugna sa 115 ka mga Chinese Nationals ang nasikop atol sa usa ka dakong operasyon batok sa ilegal nga mga kalihokan sa POGO sa Zamboanga Sibugay ug Quezon City niadtong Oktubre 2026.
Sa kinatibuk-ang gidaghanon, 62 ang nasikop sa Zamboanga Sibugay, samtang 53 ang nadakpan sa Quezon City. Ang grupo gilangkuban sa 107 ka mga lalaki ug walo ka mga babaye.
Ang pagpapahawa gihimo human giluwatan sa BI Board of Commissioners ang mga “Summary Deportation Order.” Ang mga gipapahawa gisakay sa usa ka eroplano nga gi-arkila ug giandam sa Chinese Embassy.
Lakip sa mga gipapahawa mao ang usa ka pugante nga nasikop sa Zamboanga Sibugay. Giingong gipangita siya sa mga awtoridad sa China may kalabotan sa usa ka kaso nga naglambigit sa pagtago sa mga kita gikan sa ilegal nga mga kalihokan.
