Wala gisalikway sa Bureau of Immigration (BI) ang posibilidad nga si Senador Ronald dela Rosa mibiya na sa Pilipinas, human sa iyang pagkagawas gikan sa kustodiya sa Senado.
Sumala sa tigpamaba sa BI nga si Dana Sandoval, ang posibilidad sa paggamit sa mga backdoor channel o tinago nga mga agiann pagawas sa nasud sama sa mga lagyong pantalan nagpabilin nga abli.
Matod niya nga kanunay nga gikonsiderar sa BI kini nga anggulo kung adunay parehas nga sitwasyon.
Bisan pa, gipasalig ni Sandoval nga ang giisip nga ilegal nga mga koridor sa migrasyon hugot nga gibantayan uban sa tabang sa Philippine National Police, Philippine Coast Guard, ug mga lokal nga gobyerno.
Kung adunay pagsulay sa pag-ikyas, ang BI gipaalerto dayon, lakip ang identidad sa mga indibidwal nga gi-intercept, ilabi na kung sila mga langyaw.
Base sa opisyal nga rekord sa BI, si Sen. Dela Rosa nagpabilin nga wala’y rekord nga mibiya sa nasud.
Kini taliwala sa kasamtangang Immigration Lookout Bulletin Order batok sa senador.
Gipasalig usab ni Sandoval nga kung makita si Dela Rosa sa mga tugpahanan, kini dayon ireport sa mga law enforcement agencies alang sa angay nga aksyon.
