Gisapublikar sa tigpamaba ni Joe Biden nga dili kini mo-atras sa White House race bisan paman sa ‘pressure’ nga iyang nabati human sa debate niini sa kanhi-presidente nga si Donald Trump.
Matud sa usa ka taho nga gisultihan ni Biden ang usa ka kaalyado nga mahimong dili niya maluwas ang iyang kandidatura kung dili niya makombinsir ang mga Amerikano nga mahimo niya usab ang trabaho isip presidente.
Nunot kini sa gikataho nga si US President Joe Biden kay nagduhaduha ug gitimbang kung magpadayon ba sa iyang pagdagan pagbalik isip presidente human sa debate batok ni Donald Trump kaniadtong miaging semana ug giingong mitumaw ang kabalaka nga may kalabotan sa iyang wala mapunting nga pasundayag tungod sa mga isyu sa edad.
Apan, gihimakak kini ni Andrew Bates, ang tigpamaba sa White House, nga usa kini “hingpit nga bakak”.
Gumikan ang presidente nag-uswag isip presidente ug nagpadayon sa iyang kampanya ug padayon sa pagbuhat sa iyang mga trabaho.
