Nadakpan sa mga sakop sa Criminal Intelligence and Detection Group sa Central Visayas (CIDG-7) ang usa ka mahuyang nga nagpa-ila nga usa ka Chief Executive Officer o CEO nga nagpadagan og usa ka foreign exchange company o investment scheme sa General Santos City sa Sitio Tikoy, Barangay Bogo, Argao, Cebu.
Giila ang nadakpan nga si John Rafael Revilla, 36 anyos, ug residente sa Barangay Calumpang, General Santos City. Nag-atubang kini karon og kasong syndicated estafa nga wala’y girekomendar nga piyansa.
Matud ni PMaj. Ronald Allan Tolosa, Deputy Chief sa CIDG-7 nga nadakpan ang maong suspek pinasikad sa warrant of arrest kaniadtong Marso 2, alas 4 sa hapon, sa balay sa iyaan niini sa Argao, jkung diin kini nagtago.
Ang warrant of arrest giluwatan ni Judge Renato Tampac sa Regional Trial Court sa 11th Judicial Region Branch 59.
Sumala ni Tolosa,nga si Revilla ang nagpaila nga CEO sa usa ka kompanya sa investment scheme nga gitawag og “Shantal” nga nagtanyag og doble nga bayad alang sa gipamuhunan nga kwarta.
Dugang pa ni Tolosa nga adunay uban pang mga namuhunan gikan sa Sugbo ang gikataho nga nabiktima sa grupo ni Revilla.
Giingon ni Tolosa nga ang kompanya milungtad og 3 ka bulan hangtod nga ang minilyon nga pagpamuhunan ang midako apan wala na’y return og investment sa mga namuhunan.
Giingong mukabat sa P600-Million nga balor sa kwarta nga nakuha kapulisan gikan sa dinakpan.
Kasamtangan anaa sa CIDG-7 holding facility ang dinakpan sa dili pa kini ibalik sa General Santos City. (with reports by Bombo Joann Gantalao/fdp)
