Misidlak na usab ang musikang Pilipino sa nternational stagehuman ang P-Pop girl group nga BINI gihatagan og Global Force Award sa Billboard Women in Music nga gipahigayon sa Hollywood Palladium sa Los Angeles.
Ang award gihatag sa English model ug aktres nga si Cara Delevingne atubangan sa ubang mga inilang mag-aawit ug prodyuser gikan sa tibuok kalibutan.
Sa ilang acceptance speech, gipahayag sa BINI ang ilang pasalamat sa Billboard ug gipahinungod ang award dili lamang sa ilang mga fans apan lakip na usab sa mga Filipino singers.
Gipaambit usab ni Jhoanna ang ilang pasalamat sa ilang mga fans nga BLOOM ug sa suporta sa Billboard Philippines sa OPM.
Sa wala pa ang award, ang grupo nakaangkon usab og malampusong Coachella debut ug gikatakdang magsugod sa ilang world tour sa ulahing bahin ning tuiga, sugod sa Pilipinas.
Ang ubang mga gipasidunggan sa kalihokan naglakip sa The Beaches (Global Force), Zara Larsson (Breakthrough), Mariah The Scientist (Rising Star), Tate McRae (Hitmaker), Ella Langley (Powerhouse), Laufey (Innovator), Kehlani (Impact), Thalía (Icon), ug Teyana Taylor (Visionary).
