Gisang-at ni Senador Bam Aquino ang Resolution Bill No. 370 aron pasidunggan ug pahalipayan ang P-pop group nga BINI.
Kini subay sa ilang malampuson ug makasaysayanong pasundayag sa Coachella Valley Music and Arts Festival.
Ang resolusyon nagtumong sa pag-ila sa kontribusyon sa BINI sa pagrepresentar sa Pilipinas sa entablado sa musika sa kalibutan human sa ilang makasaysayanong pasundayag sa festival.
Si Senador Risa Hontiveros mipadayag usab sa iyang suporta, nga nag-ingon nga ang grupo usa ka pruweba nga ang mga Pilipina makahimo sa pagkompetensya sa kalibutan.
Gawas sa opisyal nga pag-ila, ang mga senador ug kawani adunay higayon usab nga magpakuha og mga litrato uban sa mga miyembro sa BINI, nga gisuportahan pag-ayo sa ilang mga fans sa Senado.
