Nisang-at na og legal complaint ang P-pop girl group nga BINI batok sa wala hinganli nga indibidwal.
Mao kini ang gipaambit sa celebrity lawyer nga si Atty. Joji Alonso pinaagi sa iyang Instagram story, bahin sa reklamo, apan wala gibutyag ang pagkatawo sa akusado nga partido o bisan ang mga detalye sa kaso.
Ang kaso nagsunod sa sunod-sunod nga online harassment nga nasinati sa grupo ning bag-o lang, lakip na ang pagsaway nga nadawat tungod sa usa ka video diin ilang gi-rate ang daghang mga street food sa Pilipinas.
Misamot ang kontrobersiya sa grupo human ang viral post ni Christian “Xian” Gaza nihimo og malisyoso nga mga pamahayag batok sa usa sa mga sakop sa BINI.
Ingon man nga walay opisyal nga pamahayag gikan sa BINI o sa ilang management kalabot sa pagpanghasi o sa reklamo nga gisang-at.
