‘Blink Twice’!
Sama sa ilang bag-ong gi-release nga kanta nga ‘Blink twice’ kay mao usab kini ang nahimong reaksyon sa Pinay girl group nga BINI human kini nakahimo og bag-ong record sa ilang gipahigayon nga pasundayag nga BINIverse.
Sila lang ang Filipino music act nga nakapuno sa 55,000-capacity Philippine Arena atol sa ilang pagsugod sa BINIverse World Tour 2025 niadtong Pebrero 15.
Ang grupo kay gilangkuban nila ni Colet, Jhoanna, Aiah, Gwen, Maloi, Mikha, Sheena ug Stacey, diin mihalad sa ilang mga kanta nga “Salamin”, “Pantropiko”, “Cherry On Top” ug uban pa.
Sa miaging tuig, giila usab sila sa Billboard Philippines isip Number 1 artist.
Tungod sa nagdilaab nga supporta sa ilang mga fans nga gitawag nga blooms kay nagmalampuson ang ilang first BINIverse World Tour 2025.
