CEBU CITY – Nalampasan sa Bureau of Customs (BoC) ang ilang binuwan nga target collection sa buwan sa Setyembre ning kasamtangang tuig 2020.
Sa datos sa ahensiya, anaa sa 33.17% o P12.511 billion ang gisaka sa koleksiyon sa ahensiya hinungdan sa pagsaka sa target collection sa maong buwan sa P50.226 billion gikan sa target nga P37.715 billion.
Basi sa daos sa BOC-Financial Service, 14 sa 17 ka mga collections districts ang nilagpas sa ilang mga target collection.
Usa na sa mga collection districts nga adunay dakong koleksiyon, ang Cebu nga anaa sa P2 billion kapin ang nakolekta sa ahensiya sa buwan sa setyembre ning kasamtangang tuig, diin nalampasan niini ang target collection nga anaa sa P1.935 billion.
Gipasalamatan ug gidayeg ni Commissioner Rey Leonardo Guerrero ang mga trabahante sa ahensiya gumikan sa paningkamot niini nga mahatag ang ilang commitment ug serbisyo sa publiko.// EKP
