CENTRAL VISAYAS- Pormal nang nanamilit si Police Brigader General Redrico A. Maranan isip Regional Director sa Police Regional Office-7 sa gipahigayong seremonyas kagahapong adlawa Huwebes, Abril 16, 2026.
Matud ni Maranan, nga dakong garbo niini nga makaserbisyo sa Central Visayas isip Regional Director uban sa iyang gingsakopan gumikan kay usa kini sa mga rason nga nagpalig-on kaniya isip leader sa mga kapulisan.
Gihangop usab niini ang bag-ong tahas nga gihatag kaniya isip umaabot nga Director sa Philippine National Police Academy (PNPA) diin iyang hulipan si PMGen. Andrei Dizon, nga iyang giisip usab nga usa ka dakong hagit sa iyang karera isip leader.
Gipasigarbo ni Maranan, ug sa iyang gingsakopan ang nahimo nila nga kalampusan sulod sa iyang pagdumala isip Regional Director sa Central Visayas, lakip naa niini ang pagpalig-on batok sa kriminalidad ug sa illegal nga drugas.
Lakip usab sa gipasigarbo niini ang hugot nga pagpatuman sa seguridad sa panahon sa 2025 National Elections, malinawon nga pagsaulog sa kapiyestahan sa Sinulog Festival diin dul-an sa 15 Milyones ka mga indibidwal ang misalmot.
Mipadayag usab og mensahe si Police Brigader General Arnold Evangelista Abad, diin misaad nga og dili niini malabwan ang kalampusan nga nakab-ot ni Maranan, inay matupongan niini ang kahanas og maayung resulta sa iyang liderato.
