CEBU CITY-Gitataw ni Lt. Junior Grade Michael John Encina ang tigpamaba sa Philippine Coast Guard nga duna na sila’y gitugotan nga mga barko nga mubiyahe apan kini kadto lamang mga anaa sa 250 gross tonage o mga dagkong barko.
Giklaro usab ni Encina nga ila pang gi-consolidate ang mga area nga gitugutana na nga dunay biyahe. Apan gipasabot usab ni Encina nga ang mga gagmay nga sakayan sama sa motorbanca o mga fast craft nga ubos sa 250 gross tonage ang dili pa tugutan nga mulawig.
Kini human nga bisan og nalibkas na ang signal warning sa Central og South Cebu, kusog gihapon ang hangin ug dagko gihapon ang balud. Gani , nagkanayon pa si Encina nga bisan og wala nay tropical cyclone warning signal, naa gihapon silay katungod sa pagdili sa mga mubiyahe kung nakita nila nga dili pa luwas.
Samtang, mikabat sa 345 ka mga stranded passenger sa Bohol ug Cebu Province ang natala. Gipahimangno na usab ni Encina nga mamahimong sa balay nalang magpaabot ug magsunod sa update sa Coast Guard kung unsa nga mga nga lugar o barko nga gitugutan na nga mubiyahe.
