Gikalipay sa nahimong kampeon sa 3rd National Bombo Music Festival ang maayong kasinatian gumikan kay nipatigbabaw ang maayong panag-uban sa mga finalists.
Kini human nga nahimamat sa kompositor nga si Dave Alvarado, taga-Zamboanga City, ang mga finalists sa maong kompetisyon sulod sa pipila ka adlaw sa Iloilo City.
Gi-angkon ni Alvarado nga usa sa iyang mga panghinaut sa wala pa ang grand performance night kagabii mao ang maayong presentasyon sa tanang finalists sa atubangan sa mga hurado ug sa tanang Pilipino.
Matud ni Dave nga usa ka “bonus” ang pagkadaug niini sa kompetisyon gumikan kay wala man kini nagdahum sa resulta.
Mi-awhag si Alvarado sa tanang mga aspiring musicians nga ipatigbabaw ang “passion” ug ipadayon lang ang pagsuwat ug pagproduce sa ilang orihinal nga komposisyon.
Dugang pa niya nga tambag sa mga bag-ong musikero nga normal lang ang mga naagi-ang rejections gumikan kay makab-ot gayud ang panahon nga matagad sa kinabag-an ang kaugalingong musika.
Nakadawat ang mga naghimo sa kantang “Vows” og P275,000 nga cash prize ug trophy.
