PROVINCE OF CEBU-Subay sa gikatahong pagsaka sa inflation sa probinsiya sa Sugbo, Si Cebu 6th District Board Member Glenn Anthony Soco, kinsa chairman sa Committee on Commerce and Industry sa Cebu Provincial Board mipahayag nga ila kining tukion sa Kapitolyo sa Sugbo aron makatagamtam og tukmang aksyon atol sa ekonomiya sa probinsiya.
Kini atol sa pakighinabi sa Bombo Newsteam kang Board Member Soco ug ingon man plano niyang mupasar og usa ka resolusyon sa Sagguniang Panlalawigan aron muhatag og katin-awan sa lakat sa ekonomiya ilabi na sa inflation rate sa probinsiya sa Sugbo.
Kahinumduman nga nakasinati og pagtaas sa inflation rate ang tibuok probinsiya sa Sugbo samtang ang mga dagkong dakbayan niini nga giilang Highly Urbanized Cities (HUCs) sa dakbayan sa Sugbo, Mandaue, ug Lapulapu kay nakasinati sa pagkunhod matod pa sa opisyal sa Cebu Provincial Statistical Office.
