Gibungkag sa Bureau of Customs – Manila International Container Port (BOC-MICP) ang lima ka mga container nga puno sa mga smuggled nga sigarilyo ug pinauga nga dahon sa tabako, nga gibana-banang nagkantidad og P179.03 ka milyon sa Porac, Pampanga.
Nasakmit ang mga produkto human sa usa ka inspeksyon niadtong Oktubre 8, tungod sa mga paglapas sa Graphic Health Warnings Law, TRAIN Law, ug sa Customs Modernization and Tariff Act (CMTA).
Matod ni Customs Commissioner Ariel F. Nepomuceno, importante nga masiguro nga kining mga ilegal nga produkto dili na makabalik sa merkado, aron mapanalipdan ang panglawas sa publiko, kita sa gobyerno, ug ang mga lehitimong negosyo.
Samtang, gipasiugda ni MICP District Collector Atty. Felipe Geoffrey K. De Vera IV ang kamahinungdanon sa pagsunod sa mga legal nga pamaagi sa dihang gub-on ang mga nasakmit nga mga butang.
