CEBU – Tungod sa world-famous Chocolate Hills ug giingong nag-inusara sa tibuok kalibutan, gikonsiderar ang Bohol nga usa sa pito (7) ka gikonsiderar nga geoparks nga nominado sa Global Geoparks council sa United Nations Educational, Scientific and Cultural Organization (UNESCO).
Ug lakip sa pito nga gi-isip nga geopark ang Ijen, Indonesia; Maros Pangkep, Indonesia; Aras, Iran; Waitaki Whitestone, New Zealand; Kinabalu, Malaysia; ug Khorat, Thailand.
Nasayran nga gipaubos sa reevaluation ug revalidation ang nasangpit nga mga lugar.
Sa dihang gipangutana sa iyang opinyon, gi-angkon ni Bohol Governor Aris Aumentado nga mapasigarbuhon kaayo kini sa probinsiya ingon man gitino nga dako og natampo ang Chocolate Hills sa turismo sa probinsiya.
Dugang pa ni Aumentado, mamahimong instrumento ang ang Chocolate Hills sa dugang mga come-ons nga madiskubre sa probinsiya.
