Walay natala nga casualties ang tibuok probinsiya sa bohol atol sa pag igo sa bagyong verbena kaganihang kadlawon diin nakamugna kini ug mga pagbaha sa uban bahin sa probinsiya
Kini ang gibutyag sa buhatan sa Bohol Provincial Disaster Risk Reduction Management Office diin base sa nakuhang datos gikan sa mga naglangkob nga mga LGUs sa probinsiya generally safe ang kadaghanan sa mga bol-anon atol sa Tropical Depression Verbena diin mi landfall niadtong Lunes, Nobyembre 24.
Matud pa ni Dr. Anthony Demalerio, ang pangulo sa Bohol PDRRMO, nakatala ang buhatan og 1,914 nga mga pamilya ang gi evacuate gikan sa mga hazard zones diin naglagkob kini sa 5,251 ka mga individwal.
Samtang walay natala nga kadaut sa mga major infrastructures sa probinsiya sama sa mga kadalanan, subay niini dali ra usab nabalik ang kuryente sa mga panimalay sa tibuok probinsiya.
Dugang ni Demalerio, nga kadaghanan sa mga lugar sa probinsiya sa Bohol gibahaan sama sa Tubigon, Antiquera, Cortes, Corella, Tagbilaran, ug sa Maribojoc, samtang aduna puy natala nga mga landslides sa mao nga probinsiya.
Padayon pa usab ang assessment sa mao nga buhatan para sa kinatibuk-ang danyos sa kadaut nga nahiagom atol sa pag igo sa Bagyong Verbena apan mipasalig hinoun ang probinsiya nga adunay hinabang parasa mga direktanng naapektohan sa bagyo.
Sapikas bahin, balik na sa normal ang mga byahe sa mga sakyanang pangdagat sa paglibkas na sa suspensyon sa Coast guard Central Visayas kaganihang alas 3 sa hapon ug apil na ang mgabyahe sa mga pantalan sa probinsiya sa bohol.
Gikabutyag usab ni Dr. Demalerio nga posibleng karong adlawa, mabalik na ang face to face classes sa tibuok probinsiya sa Bohol human sa pagkanselar niini atol sa preparasyon sa pag-igo sa bagyo.
