CEBU CITY-Gipasidunggan sa Philippine Red Cross (PRC) isip ‘Outstanding Blood Services Partner’ ang Bombo Radyo Cebu agig kasaulugan sa Blood Donors Month.
Kini ang pinakataas nga pasidungog nga gihatag sa PRC tungod na usab sa taas na nga katuigan nga nahimong partner niini ang Bombo Radyo Philippines sa pagtabang sa mga Pilipino sa oras nga nanginahanglan kini og dugo.
Nagsugod ang partnership duha na dekada ang nakalabay.
Pinaagi sa bloodletting activity sa Bombo Radyo kung diin 24 ka probinsya og lungsod sa tibook nasud ang dungan nga nagpahigayon niini, nahimo kining dakong kontribusyon sa Red Cross para sa supply sa dugo sa nasud ug ingon man ang paglugway sa kinubuhi sa tao nga kinahanglang abunohan og dugo.
Ang bloodletting activity nga dugong bombo, ‘a little pain, a life to gain’,ang nakaset og record niadtong 2009 apan niadtong 2013 mas nalabwan pa niini ang record sa kinatibuk-an diin nakahipos kini og 2.5 million cc sa dugo gikan sa kapin 5 mil ka mga successful blood donors.
Mismong ang chairman og CEO sa Philippine Red Cross nga si Sen. Richard Gordon ang mitunol sa maong award.
