Opisyal nang giila sa Philippine Southeast Asian Games Organizing Committee (PHISGOC) ang Bombo Radyo Philippines isip usa sa ilang mga media partners alang sa nagkaduol nga 2019 SEA Games.
Mitambong sa memorandum of agreement signing sa Clark, Pampanga ang Vice President sa Bombo Radyo nga si Herman Basbaño ug ang Assistant Vice President nga si Jenil Demorito.
Gipanguluhan usab ni House Speaker ug PHISGOC chairman Alan Peter Cayetano ang MOA signing.
Human mapirmahan ang kasabutan, nakadawat usab silang Bombo Herman ug Bombo Jenil og SEA Games jacket, sama lang sa gibuhat sa mga sponsors ug partners.
Matud ni Cayetano nga dako ang iyang pasalamat sa mga sponsors ug media partners aron masiguro nga malampuson ang hosting sa nasud alang sa SEA Games karong Nobyembre.
Gisiguro usab ni Cayetano nga buhaton nila ang tanan aron mahatag ang best SEA Games sa kasaysayan.
Nasayran nga ang Bombo Radyo Philippines lang mao ang bugtong radio network sa mga media partners sa PHISGOC. (with reports by Bombo Bam Orpilla/gn)
