Giila ang Bombo Radyo Philippines nga Most Reliable AM Station sa Trinity University of Asia sa 10th Platinum Stallion National Media Awards 2025.
Ang pasidungog, nga gitino pinaagi sa usa ka komprehensibo nga survey nga naglambigit sa lain-laing komunidad sa unibersidad, nagpasiugda sa dili matarug nga pasalig sa network sa paghatod sa kasaligang balita, serbisyo publiko, ug impormasyon ngadto sa mga Pilipino sa tibuok nasod ug sa tibuok kalibotan.
Kung diin, ang Platinum Stallion National Media Awards usa ka prestihiyosong kalihokan nga nag-ila sa kahusayan sa lainlaing mga sektor sa media, lakip ang telebisyon, radyo, pelikula, digital, ug mga bag-ong plataporma.
Ang Trinity University of Asia (TUA) usa ka pribado, Kristiyanong unibersidad sa Quezon City, Philippines.
Natukod sa 1963, nailhan kini kaniadto nga Trinity College sa Quezon City ug sukad nga mitubo ngadto sa usa ka inila nga institusyon nga nailhan tungod sa iyang pagkamaayo sa health sciences, business, communication, information technology, ug social sciences.
Gawas pa niining pinakaulahi nga pag-ila gikan sa Trinity University of Asia, ang Bombo Radyo Philippines kanunay nga giila sa mga nasudnong organisasyon sa panukiduki isip nanguna ug labing kasaligan nga network sa radyo sa nasud.
Subay sa Philippine Information Agency (PIA) National Survey on Media and Information, ang Bombo Radyo Philippines ang ginhinganlan nga ‘Most Trusted News and Information Source’ sa Radio Category.
Samtang, ang OCTA Research 2024 Fourth Quarter TUGON NG MASA SURVEY nagbutyag nga ang Bombo Radyo mao ang nag-unang radio station nga gigamit isip tinubdan sa balita ug impormasyon sa mga hamtong nga Pilipino.
Dugang pa, padayon nga giila sa Pahayag Survey Series sa Publicus Asia, Inc. ang Bombo Radyo isip Most Trusted Radio Network sa Radio Category.
Kini nga daghang mga pag-ila nagpamatuod sa kahimtang sa Bombo Radyo Philippines isip #1, most trusted, ug most reliable radio network sa nasud.
Samtang padayon kini nga nanguna sa pagsibya sa radyo, ang Bombo Radyo nagpabiling pasalig sa paghatod sa truthful, accurate, ug relevant news ngadto sa katawhang Pilipino.
