Gipahibalo ni Prosecutor General Richard Fadullon nga ang kanhi senador nga si Bong Revilla ug kanhi kongresista nga si Zaldy Co nalakip na karon sa mga bag-ong respondents sa mga reklamo nga may kalabotan sa giingong ghost flood control projects sa Bulacan.
Sumala ni Fadullon, ang National Bureau of Investigation (NBI) nagsumite og dugang nga ebidensya nga naglambigit kang Revilla ug Co isip mga proponent sa mga proyekto nga giimbestigahan.
Nahibal-an nga adunay lima ka reklamo nga nagpaabot sa DOJ: tulo ang gisumite na alang sa resolusyon, samtang duha ka kaso ang gipailalom pa sa preliminary investigation human gidugang si Revilla ug Co isip mga respondents.
Samtang ang duha nangayo og extension sa pag-file sa ilang counter-affidavits, ug gihatagan sila sa DOJ og lima ka adlaw aron motubag, ingun man nga target karon sa DOJ nga mopagawas og resolusyon sa dili pa matapos ang tuig.
Bisan pa niini, ang mga alegasyon nagpadayon taliwala sa daghang mga magbabalaod, mga opisyal sa DPWH, ug mga kontraktor bahin sa giingong kickbacks sa multi-bilyon ka pesos nga mga proyekto sa pagkontrol sa baha nga nadiskobrehan nga substandard o wala gyud matukod.
Si Revilla, Co, ug uban pang mga magbabalaod pulos mihimakak sa bisan unsang kalambigitan sa iskandalo sa pagkontrol sa baha.
