CEBU CITY — Mibutyag si Cebu Governor Gwendolyn Garcia nga sirad-an ang mga borders sa Cebu City subay na sa nagkagrabeng hulga sa COVID-19.
(Mahimo ninyong malantaw ang regular nga press conference ni Gov. Garcia pinaagi sa maong link: https://www.facebook.com/BomboRadyoCebu963/videos/217411069502815/)
Tungod niini, mo-isyu og kamanduan ang gobernadora diin sirad-an ang mga borders sa Mandaue City, Talisay City, ug Balamban sugod karong Lunes, Marso 30.
Matud ni Garcia nga did-an nga makasulod ang mga taga-probinsya sa Cebu City sanglit ipatuman man ang enhanced community quarantine, gawas lang sa mga adunay essential work functions.
Mi-awhag karon si Garcia sa mga gustong mo-uli sa tagsa-tagsa ka mga lungsod planuhon dayon sanglit gi-dawat sa Cebu City Government ang hangyo nga i-exempt sa curfew ang mga bus ug minibuses.
Makabyahe ang nahisgutang mga sakyanan hangtud na sa Marso 29 sa tungang gabii.
Mitambag usab ang gobernadora sa mga business firms nga mopadayon sa ilang operasyon nga hatagan og temporaryong kapuy-an ang mga trabahante gikan sa probinsya.
Kini gumikan kay dili na sila tugutang makagawas-gawas pa sa Cebu City subay na sa mas striktong mga lakang batok sa coronavirus.
