CEBU CITY-Panahon na matud pa nga i-upgrade na ang mga barangay health centers niining kasamtangang panahon.
Kini ang gibutyag ni Dr. Rene Josef Bullecer usa ka medical doctor sa dihang nahinabi sa Bombo Radyo Cebu atol sa tulumanong Bombo Barangayan.
Kini subay na usab sa pagpaubos sa Cebu City sa General Community Quarantine (GCQ) ug ang lauman na nga pagpaubos sa dakbayan sa Modified General Community Quarantine (MGCQ) nga mas luag na. Matud sa doktor nga dako kaayo og role ang barangay ilabina ang barangay health centers alang usa sa pagpatuman sa mga health protocols ug ingon man health practices nga maoy tamuran sa mga lumulopyo sa barangay.
Dili sama matud sama karon nga daw sama nga nakuratan ang barangay sa pagtumaw sa covid-19 kung diin bisan kinsa nalang ang nahulbot niini nga mao’y himoong barangay health workers (BHW).
Gihimug-atan ni Bullecer nga kinahanglan nga pun-an ang ihap sa mga BHW ug ingon man ipaubos kini sa training.
Dugang pa usab sa doktor nga kinahanglan usab nga dunay mga stock sa tambal ang health center ug dili lamang ekipo og mga gamit sa birth controls ang naa nga maoy sagad lang nga available sa mga health center karon.
Hinoon, gitino ni Bullecer nga kung ang vaccine lamang ang hisgutanan, nakasanong man hinoon ang mga barangay health center.
Nagtoo usab ang doktor nga kung lingkuran lamang ang pagpalambo sa health care system sa mga magbabalaud, dako ang pagtoo ni Bullecer nga naay budget ug marealize na gyud kini.
